खोइ खोई को को परे एमाअ‍ोवादीको समानुपातिक सभासद्मा

एमाअ‍ोवादी पार्टीको विवादै विवादको बीच समानुपातिको लिस्ट निर्वाचन आयोग पुर्याए पनि त्यहाँ समावेशी कुरा नमिलेपछि पत्र मात्र दार्ता गराएर फर्केका थिए नेता वर्षमान पुन । स्रोतले भने अध्यक्ष प्रचण्डले एकलौटी ढंगबाट लिस्ट पठाएपछि डा.बाबुराम भट्टराई र नारायणकाजी श्रेष्ठ असन्तुष्ट भएर बैठकबाट उठेका थिए । सबैलाई चित्त बुझ्ने गरी आयोगमा नाम संशोधन गरेर पठाउने पार्टीको स्रोतको दावी छ । हिजो आयोगमा बुझाएको समानुपातिक सभासद्को नामावाली यस्तो छ ः

मोसान्टोको लफडा अहिलेसम्म मिलेन पो त मन्त्रालय हैरान

सुरेशकुमार यादव
काठमाडौ पुस १४ गते । कृषि विकास मन्त्रालयले अमेरिकाको मोन्सान्टो कम्पनीले तयार गरेको आनुवांशिक परिवर्तीत जिवाणु (जीएमओ) नेपाल नभित्रिएको पुनः स्पष्ट पारेका छन् ।
दुई दिन आगाडि गरेको पत्रकार सम्मेलनपछि आन्दोलन र विरोधका कार्यक्रमहरु नरोकेपछि मन्त्रालयले आइतवार पत्रकार सम्मेलन गरी पुनः स्पष्ट पार्ने प्रयास गरेको छ । मोनसान्टो कम्पनीका जिएमओ बीउ नेपाल आयात नभएको र त्यसका नीतिहरुको बारेमा जानकारी गराउन गत शुक्रवार पत्रकार सम्मेलन गरेको थियो र सोही दिन कृषकहरुले शान्तिबाटीकामा जुलुस पनि निकालेका थिए । त्यतिले मात्र नपुगेपछि मोन्सान्टो कम्पनीको विरुद्धमा सर्वोच्चमा आइतवार रीट दायर भएपछि सोही दिन तीन बजे मन्त्रालयमा विज्ञ र सम्बन्धित निकायका प्रमुखहरुलाई मञ्चामा राखेर मन्त्रालयले  पत्रकार सम्मेलन गरेका थिए ।

सभासद् बन्न क–कसको भाग्य खुल्यो ल हेर्नुस् लिस्ट

•  
• निर्वाचन आयोगले तोकिएको अन्तिम दिन आज २८ दल समानुपातिक उम्मेदवारको नाम बुझाएको छ । विवादै विवादैकै बीचमा २८ दलले रातीसम्म बुझाए भने एमाओवादी, मधेशी जनअधिकार फोरम नेपाल र संघीय समाजवादी पार्टीभित्र देखिएको विवादका कारण समानुपातिकको नाम बुझाउन सकेन । राष्ट्रिय मधेश समाजवादी पार्टीका अध्यक्ष शरत् सिह भण्डारीले रकम लिएर उम्मेदवारको नाम पठाएको भन्दै सो पार्टीका महासचिव रामेश्वर साहले नोट अफ डिसेन्ट लेखी पार्टी कार्यालयमा धर्ना बसेका थिए । त्यस्तै काँग्रेस पार्टीभित्र पनि विवाद देखिएको छ । प्र्रस्तुत छ समानुपातिक सभासद्को लिस्ट-

हारेका मधेशी नेताले पठाए सविधानसभा श्रीमतीलाई

 संविधानसभामा प्रतिनिधित्व गर्ने ३० मध्ये २८ दलले निर्वाचन आयोगमा समानुपातिकतर्फ बुझाएको सूची हेर्दा केही नेतापत्नीहरुले संविधानसभा सदस्य हुने अवसर पाएका छन् । 
प्रत्यक्षतर्फ पराजित सदभावना पार्टीका अध्यक्ष राजेन्द्र महतोले आफु सभासद् हुन नपाएपछि श्रीमती सहीलदेवी महतोलाई संविधानसभा सदस्य निर्वाचित घोषणामा लागि निर्वाचन आयोगमा नाम सिफारिस गर्नु भएको छ । समानुपातिकमा पाँच सीट पाएको सदभावनाले नाम सिफारिस गर्ने जिम्मा अध्यक्ष महतोलाई दिएको थियो ।

ठाकुरले भने, सरकारमा जाने कुनै निर्णय छैन

सुरेशकुमार यादव
काठमाडौ पुस १३ गते । तराई मधेस लोकतान्त्रिक पार्टीका अध्यक्ष महन्थ ठाकुरले सरकारमा जाने नजाने बारे आफ्नो पार्टीले कुनै निर्णय नगरेको बताउनु भएको छ ।
पार्टीको छैठो वार्षिक उपलक्ष्यमा शनिवार आयोजित चियापान तथा शुभकामना आदानप्रदान कार्यक्रममा पत्रकारसँग कुरा गर्दै उहाँले सो कुरा बताउनु भएको हो । उहाँले सविधान निर्माण आफ्नो पार्टीको प्राथमिक कुरा हो, सरकार गौण कुरा भएकाले सरकारको बारेमा कुनै छलफल नभएको प्रष्ट पार्नु भयो । हामी सरकारमा जाने भनेर निर्णयमा पुगिसकेका छैनौं, उहाँले भन्नुभयो, अहिलेसम्मको निर्णय प्रतिपक्षमा बस्ने हो । सरकारमा जाने नजाने विषय भोलिको परिस्थिति र समीकरणले निर्धारण गर्नेछ ।

धान उत्पादनमा वृद्धि

काठमाडौ पुस १२ गते । कृषकको मुख्यवाली धानको उत्पादन गत सालभन्दा १२ प्रतिशतले वृद्धि भएको छ । कृषि विकास मन्त्रालयअन्तर्गतको कृषि व्यवसाय प्रवद्र्धन तथा तथ्यांक विभागले शुक्रवार आयोजना गरेको पत्रकार सम्मेलनमा चालु आर्थिकवर्ष २०७०÷७१ को धानलगायत केही प्रमुख वालीको अवस्था सार्वजनिक गर्ने क्रममा सो कुराको जानकारी गराएको हो ।
कृषि प्रविधि र समयमा वर्षा भएको कारणले धान उत्पादनमा वृद्धि भएको ठहर गर्दै हालसम्मको तथ्यांक अनुसार एक खरब नौ अर्ब ३६ करोड रुपियाँ मूल्य बराबरको ५० लाख ४७ हजार मेट्रिक टन धान उत्पादन भएको प्रारम्भिक अनुमान गरिएको छ । सामान्यतया जुन १० तारिखमा शुरुहुने मनसुन यसवर्ष केही ढिला भएको तर आषाढ तथा श्रावणभरी निकै सक्रियवर्षा भएको तथा सेप्टेम्वरको अन्त्यसम्म मनसुन रहेका कारण धान उत्पादनमा सहयोग पुगेको जनाएको छ ।

सरकारले भने, मोनसान्टोको जेओएओ नेपाल आउन नदिने

सुरेशकुमार यादव
काठमाडौ पुस १२ गते । नेपाल सरकारको कृषि विकास मन्त्रालयले नीतिमा नै जैविक विविधता, वतावरण र मानव स्वास्थ्यमा नकारात्मक प्रभाव पार्न सक्ने जोखिम भएका जेएमओ तथा त्यसका उत्पादनलाई निषेध गर्ने नीति भएका कारण सो आयात गर्न कुनै प्रकारको अनुमति कसैलाई नदिएको र नदिने पनि प्रष्ट पारेको छ ।
विदेशी कम्पनी मोन्सान्टोबाट आयातित वर्णशंकर (हाईव्रिड) जातका बीउ सम्बन्धि आएका समाचारहरुप्रति ध्यानाकर्षण गर्दै मन्त्रालयअन्तर्गतको बीउ विजन गुणस्तर नियन्त्रण केन्द्रले त्यसको खण्डन गरेको छ । मन्त्रालयमा शुक्रवार पत्रकार सम्मेलन गरी बीउ बिजन नियमावली, २०६९ को नियम १२ को उपनियम ४ अनुसार जेएमओ बीउ आयात गर्न जैविक सुरक्षा जोखिमको आधारमा मात्र दर्ता गर्ने प्रवधान रहेको जनाएको छ ।

एमालेले ल्याए समानुपातिको नाम (सुची सहित)

गोकर्णमा तीनदेखि जारी एमालेको बैठकले समानुपातिको नाम चयन गरेको छ । प्रमुख तीन दलमध्ये एमाले नै पहिलो पार्टी भयो । समानुपातिको नाम चयन गर्नेमा । प्रत्यक्षमा ९१ सीट जितेका एमाले ८४ जना समानुपातिको नाम चयन गरेको छ ।
खस आर्य
१. अमृत बोहोरा
२. युवराज ज्ञवाली
३. भरतमोहन अधिकारी

फोरम नेपालले भने, चुनावमा आफैैबाट अन्तरर्घात भएपछि पो यस्तो भयो

सुरेशकुमार यादव
काठमाडौ पुस १० गते । दोस्रो सविधानसभा चुनावमा राज्यबाट धाँधली भएको ठहर गरेका मधेशी जनअधिकार फोरम नेपालले पार्टीभित्रैबाट पनि अन्तरर्घात भएको भन्दै पार्टीभित्र कारवाहीको प्रकृया शुरु गरेको छ ।
तीन दिनदखि जारी कन्द्रिय समितिको बैठकबाट नै तीनजनालाई साधारण सदस्यसमेतबाट निष्काशन गरेको छ । निर्वाचनमा पार्टीलाई असहयोग गरेको भन्दै केन्द्रिय सदस्य नारायण मेहता, केन्द्रिय सल्लाहकारहरु विरेन्द्र यादव, ह्रदयनारायण चौधरीलाई कारवाही गरी पार्टीबाट निष्काशन गरेको पार्टीका प्रवक्ता रत्नेश्वर कायस्थले जानकारी गराउनुभयो ।

पहाडमा चार आना र मधेशमा ८ धुर जमिन हुने सबै किसान

• सुरेशकुमार यादव

काठमाडौ पुस ९ गते । केन्द्रिय तथ्यांक विभागले राष्ट्रिय कृषिगणना २०६८÷०६९ को नतिजा सार्वजनिक गरेको छ । विभागको कार्यालयमा मंगलवार पत्रकार सम्मेलनमा सार्वजनिक गरिएको छैठो कृषिगणनाका लागि ५२ सय वडामा एकलाख २४ हजार चारसय कृषक परिवारलाई छनौट गरेको थियो ।
    विभागले कृषिगणनाका लागि जग्गाको चलन, उपयोग, स्थायी र राष्ट्रिय कृषिगणना २०६८ को नतिजाअस्थायी बाली, पशुपक्षीको स्थिति, कृषिकार्यमा प्रयोग भएको औजार र पूँजीगत विवरण, सिँचाई, कृषिऋण, उत्पादनको खाद्यपर्याप्त आदिवारे तथ्यांक संकलन गरेर गणनाको प्रतिवेदन तयार गरेको छ । प्रतिवेदन अनुसार नेपालमा ३८ लाख ३१ हजार कृषक परिवार छन् जसमध्ये एकलाख १६ हजार परिवारले खेतीपाती नगरेको उल्लेख छ । १० वर्षअघिको तुलनामा कृषक परिवारको सँख्यामा ४ लाख ६७ हजारले वृद्धि भएको छ ।

भाजपाको भगतसिहले यसरी गरे हिन्दु राष्ट्रका वकालत

• सुरेशकुमार यादव

काठमाडौ पुस ८ गते । नेपाललाई हिन्दु राष्ट्र बनाउनमा सहयोग गरिरहेको आरोप खेप्दै आएका भारतीय जनता पार्टीले त्यसका उपाध्यक्ष भगतसिंह कोसीयारीले खण्डन त गर्नुभयो तर घुमाएर हिन्दु राष्ट्र चाहिन्छ भनि सन्देश पनि दिनुभयो । उहाँले पार्टीका नेता नरेन्द्र मोदी या अध्यक्ष राजनाथ सिहले भनेर नेपाल हिन्दु राष्ट्र हुँदैन तर नेपाली जनताले चाहे हुने धारणा राख्नु भयो ।
स्रोतले भने, दुई दिनदेखि नेपाल भ्रमणमा रहनु भएका उपाध्यक्ष कोसीयारीले राष्ट्रपति डा.रामवरण यादवदेखि अन्य वरिष्ठ नेताहरुलाई भेटेर हिन्दु राष्ट्रका लागि याचना र आग्रह दुईटै गर्नुभयो । उहाँले सोमवार एक कार्यक्रममा घुमाउरो तरिकाले भन्नुभयो–‘यहाँ बहुसंख्यक हिन्दु रहेको नेपाल राष्ट्रलाई सबैले हिन्दु बाहुल्य राष्ट्र भन्नुपर्ने र हिन्दुत्व संस्कार भएकोले कसैले पनि चाहँदैमा त्यसलाई नष्ट पार्न सकिदैन ।

तमलोपाले धाँधलीको छानविन नभएसम्म समानुपातिक लिस्ट नबुझाउने

• सुरेशकुमार यादव

काठमाडौ पुस ८ गते । तराई मधेश लोकतान्त्रिक पार्टीका अध्यक्ष महन्थ ठाकुरले सविधानसभा चुनावमा भएको धाँधलीलाई सरकारले सम्बोधन नगरेसम्म समानुपातिको नाम नबुझाउने दोहोर्याउनु भएको छ ।
बिजुलीबजारस्थित पार्टी केन्द्रिय कार्यालयमा बसेको कार्यसम्पादन समितिको बैठकमा बोल्नु हुँदै अध्यक्ष ठाकुरले राज्यले सुनियोजित रुपमा धाँधली गरेको आरोप लगाउँदै यसको सम्बोधन नभएसम्म समानुपातिकको लिस्ट बुझाउन नहुने धारणा राख्नु भएको छ । निर्वाचन नै स्वच्छ नभए लोकतन्त्र धरापमा पर्ने भएकाले यसको कुनै नकुनै रुपमा सम्बोधन हुनुपर्छ नत्र निर्वाचनबाट जनताको विश्वास उठ्ने भएकाले उच्च स्तरीय छानविन आयोग गठन हुनुपर्ने माग पार्टीले पहिलादेखि नै उठाई रहेकाले सरकारले छिट्टै सम्बोधन गर्नेछ भनि आशावादी रहेको धारणा अध्यक्ष ठाुकरले राख्नु भएको पार्टीका उपाध्यक्ष वृषेशचन्द्र लालले बताउनुभयो ।

मधेशी दलितले मागे सविधानसभामा आफ्नो भाग

• सुरेशकुमार यादव

काठमाडौ, पुस ८ गते । तराई मधेस दलित अल्पसंख्यक पिछडा वर्ग फाउन्डेसनले समानुपातिक सिद्धान्तको आधारमा मधेसी दलितको संविधानसभामा समानुपातिक प्रतिनिधित्व गराउन माग गरेको छ ।
फाउन्डेसनले सोमबार पत्रकार गरी ६ प्रतिशत जनसँख्या रहेको मधेशी दलितको सम्मानजनक सहभागिताको माग गर्दै मधेशी दलितको प्रतिनिधित्व सुनिश्चित गराउन नसके नयाँ बन्ने संविधानसभामा समेत सबैको अपनत्व हुन नसक्ने चेतावनी दिदै अन्यथा मधेसी दलितहरु फेरि पनि थप सिमान्तकृत र बहिस्कृत हुने सम्भावना रहेको बताएका छन् ।

समानुपातिकका लागि यो कस्तो झमेला, त्यसैका लागि पार्टी कार्यालयमा लाग्दैछन् मेला !

सुरेशकुमार यादव
काठमाडौ पुस ७ गते । निर्वाचन आयोगले पुस १० गतेसम्म समानुपातिको नामावली बुझाउन दिएको म्याद नजिकिदै जाँदा मधेशवादी दलहरु नाम चयनका लागि गृहकार्यमा जुटेका छन् । आआफ्नो तर्फको व्यक्ति समानुपातिकमा परुन भनेर पार्टीमाथि बढेको दवावका कारण मधेशवादी दलहरु अन्तरिक गृहकार्यमा लागेका छन् ।
विगत झै यसपाली पनि सीटसँख्या बढ्ने सम्भावनाका कारणले समानुपातिकमा नेता तथा कार्यकर्ताहरुको नाम त्यतिकै मात्रामा राखे तर सीटसँख्या कम आएका कारणले सबैलाई चित बुझाउन पार्टीका अध्यक्षहरु हम्मे हम्मे भएको छ । समानुपातिककै कारण पार्टीहरुमा आन्तरिक विवादको समस्या त्यतिकै देखिएको छ । कतिपय अध्यक्षले कार्यकर्ताको दवाव थेग्न नसकेर मोवाइल पनि अफ गरेका छन् भने पार्टी कार्यालयसमेत जान छाडेका छन् ।
सद्भावना पार्टी र लोकतान्त्रिक फोरममा समानुपातिकको नाम चयन गर्ने जिम्म अध्यक्षलाई दिएको कारण पार्टी कार्यालयमाभन्दा अध्यक्ष जहाँ हुन्छ त्यही भिड हुन्छ, अथवा फोनको घन्टी बजी रहन्छ । यता तमलोपा र फोरम नेपालको बैठक पार्टी कार्यालयमा जारी रहेका कारण सो दलको पार्टी कार्यालयमा त्यस्तो भिड देख्न सकिन्छ । शाक्तिशाली ठाउँबाट अध्यक्ष कहाँ विभिन्न व्यक्तिका सोर्स पनि पुग्ने गरेको छ ।

मधेशी मोर्चाको विवादले गठबन्धन प्रभावित

काठमाडौ असार १० गते । संयुक्त लोकतान्त्रिक मधेशी मोर्चाभित्रको विवादले एकीकृत नेकपा माओवादीका अध्यक्ष प्रचण्डको नेतृत्वमा रहेका संघीय लोकतान्त्रिक
गणतान्त्रिक गठबन्धन पनि प्रभावित भएको छ ।
    गठबन्धनका प्रमुखघटक मधेशी मोर्चामा रहेका पाँच दलमध्ये तीन दल बैठकमा अनुपस्थित भएपछि गठबन्धनका निर्णयहरु प्रभावित भएका छन् । माअ‍ोवादी केन्द्रीय कार्यालय पेरिसडाँडामा सोमवार बसेको गठबन्धनको बैठकमा मोर्चाका तीन
दल अनुपस्थित भएपछि महत्वपूर्ण निर्णयहरु लिन नसकेको गठबन्धनका प्रवक्ता प्रेमबहादुर सिहले स्विकार्नु भयो ।
    विभाजनको अन्त्यतिर पुगेको मधेशी मोर्चाको बैठक असार ८ गतेका लागि बोलाएको थियो तर आन्तरिक विवादका कारण बैठक बस्दै नबसि अनिश्चितकालका लागि स्थगित भयो भने गठबन्धनको बैठकमा पनि मोर्चाको बहुमत दल उपस्थित नभएको कारण महत्वपूर्ण निर्णय नै नगरिकन मोर्चाको निर्णयको पर्खाइमा बैठक स्थिगित गर्यो ।
    गठबन्धनको बैठकमा अनुपस्थित रहनु भएका तराई मधेश लोकतान्त्रिक पार्टी
नेपालका अध्यक्ष महेन्द्रराय यादवले गठबन्धनको बारेमा मधेशी मोर्चाले आफ्नो राय स्पष्ट नगरेसम्म गठबन्धनको बैठक बस्नुको कुनै औचित्य नरहेको बताउनुभयो । गठबन्धनमा मधेशवादी दल एक्लै एक्लै गएको होइन मोर्चाको आधारमा गएको हो, त्यसैले त्यहाँको मोर्चाको विचार र धारणा नै आउनुपर्छ कुनै एउटा पार्टी र व्यक्तिको विचारले हुँदैन उहाँले भन्नुभयो–‘सविधानसभा चुनावको मिति तोकिसकेको अवस्थामा गठबन्धनको भूमिकाबारेमा छलफल हुनुपर्ने ठाउँमा मोर्चाको राय नलिइकन जानुको कुनै औचित्य नदेखेको कारण आफू बैठकमा नगएको हो ।’
    गठबन्धन बैठकमा अनुपस्थित रहनु भएका मधेशी जनअधिकार फोरम
गणतान्त्रिकका अध्यक्ष राजकिशोर यादव राजधानी बाहिर हुनुहुन्थ्यो । यस विषयमा सहअध्यक्ष बीपी यादवसँग जिज्ञासा राख्दा उहाँले गठबन्धनको बैठक बारे आफ्नो
पार्टीमा कुनै प्रकारको जानकारी नआएको कारण बैठकमा अनुपस्थित रहेको प्रतिकृया
दिनुभयो । गठबन्धनको बैठकमा मोर्चा सहभागि हुने हो, तर चारमहिनादेखि मोर्चाको
बैठक नै बसेको छैन भने के एजेण्डा लिएर गठबन्धनको बैठकमा जाने भनि अन्योलता मधेशी मोर्चाको नेतामा देखिएको उहाँले बताउनुभयो । मधेशी मोर्चा एकीकृत रहला कि नरहला भने अवस्थामा पुगेको छ भने मोर्चा लिएर बनेको गठबन्धनको अवस्था के हुन्छ त्यो पछिको कुरा हो, उहाँले भन्नुभयो ।
    मोर्चाबन्दीको विरुद्धमा कडा अभिव्यक्ति दिँदै आउनु भएका सद्भावना पार्टीका अध्यक्ष राजेन्द्र महतो अब मोर्चा र गठबन्धनको कुनै औचित्य नरहेको धारणा राख्दै आउनु भएको छ । पार्टीको महासचिव मनिष सुमनले आफ्नो पार्टीको नजरमा मोर्चा र गठबन्धनको कुनै औचित्य नरहेको बताउनु भयो ।
    २०६९ को फागुन १ गतेदेखि हालसम्म मोर्चाले थुप्रै कामहरु गरेका छन् तर
त्यो कुराको कुनै जानकारी हाम्रो पार्टी वा नेतालाई छैन, उहाँले भन्नुभयो–‘उच्च स्तरीय राजनीति संयन्त्रमा मोर्चाको सहभागिता, लोकमान सिह कार्कीको नियुक्ति, विद्याधर मल्लिक, उमाकान्त झा, पी.बी ठाकुरलगायतको नियुक्तिमा कसैलाई केही सोधिएन सबै कार्य भयो तर मोर्चामा छलफल भएन भने आज मोर्चाको के काम ? त्यसैले मोर्चाबन्दीको पक्षमा हामी छैनौ ।’
    गठबन्धनको बैठकमा पुग्नु भएका मधेशी जनअधिकार फोरम लोकतान्त्रिकका अध्यक्ष विजयकुमार गच्छदारले एमाओवादी र मधेशवादी दलको बीचमा मुद्दा मिल्ने भएकाले सहकार्य गरेर अगाडि बढ्नुपर्ने बताउनुभयो । मंगलवार पार्टी कार्यालयमा आयोजित पार्टी प्रवेश कार्यक्रममा उहाँले एक्ले एक्ले हिड्नाले यहाँ कसैलाई केही प्राप्त हुँदैन, मुद्दा मिल्नेहरु साथ साथ जानुपर्ने धारणा राख्नु भयो । मधेशमा एकता र मोर्चाबन्दीको कुरा जसले उठाएपनि त्यस व्यक्तिमा व्यवस्थापनको कमी देखिएको बताउँदै एकता र सहकार्यको अभियान चलाएर मात्र हुँदैन त्यसका लागि प्रकृया, प्रावधान र उद्देश्य स्पष्ट हुनुपर्छ अहिले मधेशवादी दलमा देखिएको एकता र मोर्चाको अभियान उद्देश्यविहिन र प्रकृया विहिन रहेको बताउनुभयो ।
    शनिवार उहाँको पार्टीमा तमलोपा नेपालका केन्द्रीय सदस्य एव्र राष्ट्रिय महिला आयोगकी अध्यक्ष शेख चान्द तारालगायतका नेता प्रवेश गर्नुभएको छ ।
सुरेशकुमार यादव

सविधानसभाको चुनावपछि फोरम नेपालको पहिलो बैठक

• सुरेशकुमार यादव

काठमाडौ पुस ६ गते । दोस्रो सविधानसभा चुनावको समिक्षा, आगामि कार्यनीति तथा सामानुपातिक सभासद्लगायतको विषयमा छलफल गर्न मधेशी जनअधिकार फोरम नेपालको बैठक शनिवारदेखि शुरु भएको छ ।
दोस्रो सविधानसभाको चुनावपछि ललितपुरको बालकुमारीस्थित पार्टी केन्द्रीय कार्यालयमा शुरु भएको बैठकमा पार्टीका छवटा क्षेत्र विराट, सलहेस, सिम्रौनगढ, लुम्बनी, अवध, महाकालीक्षेत्र लगायत उपत्यका समितिका इन्चार्जहरुले आआफ्नो कुरा राख्नु भएको छ । बोल्ने अधिकाँश इन्चार्जहरुले चुनावको समिक्षामा राज्यबाट धाँधली हुनुको साथै पार्टीको आन्तरिक तथा मधेशवादी दलको विभाजनको कारण सविधानसभा निर्वाचनमा पार्टी कमजोर भएको ठहर गरेका छन् ।

चौधरी ग्रुपद्धारा मोन्सान्टोको बीउ बेचेको स्विकार

• सुरेशकुमार यादव

काठमाडौ पुस ५ गते । विश्वमा विवादीत रहेका अमेरिकी कम्पनी मोन्सान्टोको बीउ बेच्दै आएका चौधरी ग्रुपका सीजी सिड्स एण्ड फर्टिलाइजर प्रा.लि.ले सो कम्पनीसँग सम्बन्ध तोडेको छ ।
सीजी सिड्स एण्ड फर्टिलाइजर प्रा.लि. ले शुक्रवार पत्रकार सम्मेलन गरी सो कुराको जानकारी गराएको हो । विवादित कम्पनीको बीउ बेच्न लागेको समाचार बाहिर आएपछि सीजी कम्पनीले पत्रकार सम्मेलन गरी सो सम्बन्ध टुटेको जानकारी गराएको हो । सञ्चारमाध्यममा आएको समाचारप्रति आश्यर्च व्यक्त गर्दै सीजी सिड्स कम्पनीले यता आएर मोन्सान्टो कम्पनीको जेनेटिकल्ली मोडिफाइड (जि.ए.ओ.) भएको कुनै पनि बीउ नबेचेको दावी गरेको छ ।

हामी विष खान्छौ त सधै मर्छौ

• सुरेशकुमार यादव

काठमाडौं, पुस ४ गते । तरकारी, फलफुल तथा अन्य अन्नवालीमा विषादीको बढ्दो प्रयोगले चिन्ताको विषय बनिरहेको बेला सरकारले कृषिक्षेत्रलाई विषादीमुक्त बनाउन अभियान शुरु गरेको छ । ‘तीन गाई १० रोपनी जग्गा, रसायनको प्रयोगविना उत्पादन हुन्छ पक्का’ भन्ने मुल नाराका साथ राजधानीबाट नै अभियान शुरु गरेको छ ।

को, कहाँ, कसरी बनाउँदैछन् मधेशी मोर्चा ?

• सुरेशकुमार यादव

काठमाडौ पुस २ गते । दोस्रो सविधानसभाको चुनावपछि नराम्री हार व्यहोरेका मधेशवादी दलहरु शक्ति संचयका लागि एकताको प्रयासमा लागेका छन् । तीन दलबाट दर्जन टुक्रा भएका मधेशवादी दलहरुबीच एउटै मोर्चा वा एकीकरणको प्रयास भएपनि तीनवटा मोार्चा बन्ने संभावना बढेको हो ।

चौधरीले विदेशी कम्पनीलाई ताकेपछि किसानलाई मर्का

• सुरेशकुमार यादव

चौधरी गु्रपले विकासशील देशमा विवादित रहेको बहुराष्ट्रिय कम्पनी मोन्सान्टोको बीउ बिजन बेचविखन गर्न लागेको प्रति नेपाल सद्भावना पार्टीको ध्यानाकर्षण भएको छ । सो कम्पनीको हाइब्रिड मकैलगायत विभिन्न तरकारीको बीउका साथै नाम समेत नखुलाइएको कीटनाशक औषधीहरुको बिक्री वितरणमा रोक लगाउन सो पार्टीले विज्ञप्तिमार्फत सरकारसँग माग गरेको छ ।

राष्ट्रपति विवाद बारे यसो भने मधेशी नेता

के भन्छन् मधेशी बुद्धिजिवीहरु ?

• सुरेशकुमार यादव

काठमाडौ मंसिर ३० गते । राष्ट्रपति फेर्नु पर्ने बारे उठेको बहसमा प्रायः मधेशवादी दलहरु अहिले राष्ट्रपति फेर्न नपर्ने पक्षमा देखिएका भने कतिपय मौन देखिएका छन् । सविधानसभा चुनावपछि खासगरि काँग्रेस र एमालेको बीचमा राष्ट्रपति विषयमा देखिएको विवादमा मधेशवादी दलहरुले अन्तरिम सविधानमा भएको व्यवस्था अनुसार राष्ट्रपति रहनु पर्ने बताएका छन् ।

सद्भावना किन भए लचिलो ? (विज्ञप्तिसहित)

काठमाडौ मंसिर २९ गते । सद्भावना पार्टीले सविधानसभाको चुनावमा भएको धाँधली बारे छानविन नभएसम्म समानुपातिकको नामावली नपठाउने अडानमा लचिलो भएको छ ।

पार्टीमा संजय साह अल्पमतमा

• सुरेशकुमार 

काठमाडौ मंसिर २८ गते । सद्भावना पार्टीका उपाध्यक्ष संजय साहले सविधानसभा बहिष्कार गर्ने राखेको प्रस्ताव पार्टीले परित गरेन । चारदिनदेखि जारी केन्द्रिय समितिको विहिवारको बैठकमा नेता साहले सविधानसभा बहिष्कार गरेर सडक आन्दोलनमा जानुपर्ने प्रस्ताव बैठकमा लग्नु भएको थियो ।

सद्भावना पार्टीमा संजय साहको फरक मत

• सुरेशकुमार यादव

काठमाडौ मंसिर २७ गते । चार दिनदेखि जारी सद्भावना पार्टीको केन्द्रिय समितिको बैठकमा सो पार्टीका उपाध्यक्ष संजय साहले फरकमत राखेपछि बैठक लम्बिने भएको छ ।

बंगुरको नाममा हँसाए धुर्मुस्ले, फाइभ स्टारमा रमाए सबैले

काठमाडौ असोज २५ गते । देश राजनीतिक दलहरुबाट होइन, किसानबाट बन्नेछ, कृषिको विकास भए मात्र देशमा विकास हुनेछ, हास्य कलाकार सीताराम कटेल ‘धुर्मस’ को यो भनाईपछि हलमा तालि गुन्जिएको थियो ।

धाँधलीको छानविन नभए समानुपातिक नपठाउने सद्भावनाको आडान

सुरेशकुमार यादव
काठमाडौ मंसिर २५ गते । मधेशवादी दलमा देखिएको विभाजनका कारण सविधानसभामा कमजोर भएको ठहर गर्दै सद्भावना पार्टीले पार्टी एकताका लागि पहल गर्ने निर्णय गरेको छ ।
दुई दिनेदेखि चलेको पार्टी केन्द्रीय समितिको बैठकबाट यस्तो निर्णय गर्दै यसका लागि पार्टीले अन्य मधेशवादी दलहरुसँग संवाद र छलफल तत्कालै थाल्नि गर्ने भएको छ । मंगरवार बैठकपछि पत्रकारसँग कुरा गर्दै पार्टीका महसचिव मनिष समुनले दोस्रो सविधानसभा चुनावमा मधेशवादी दल कमजोर भएर आउनुमा अन्य कारणमध्ये दलहरु आपसमा विभाजित पनि एउटा कारण रहेको ठहर आफ्नो पार्टीले गरेको बताउनुभयो ।
बैठकमा केन्द्रीय सदस्यहरुले गरेको रिर्पोटिगं अनुसार मधेशी दल कमजोर हुनुमा आफैमा विभाजन पनि एक कारक भएपनि राज्यबाट सुनयोजित ढंगबाट भएको धाँधली प्रमुख कारण रहेको निष्कर्षमा पार्टी पुगको महसचिव सुमनले बताउनुभयो । त्यसका समाधानका लागि मधेशमा पार्टी एकताका लागि पहल गर्ने, एकता नभए एउटै मोर्चा जसरी पनि बनाउने पार्टीले निर्णय गर्नुको साथै निर्वाचनमा भएको धाँधलीको छानविन गर्न पनि माग गरेको छ ।
महासचिव सुमनले सरकारले सुनियोजित ढंगबाट धाँधली गराएको हो, त्यसैले यसको छानविनका लागि उच्च स्तरीय छानविन आयोग बन्नुपर्ने आफ्नो पार्टीको जोडदार माग रहेको बताउनुभयो । साथै छानविन आयोग गठन नभएसम्म सामानुपातिक सभासद्हरुको नाम पनि नपठाउने निर्णय पार्टीले गरेको छ ।

गच्छदारले भने, मोर्चाबन्दी तथा गठबन्धनले देशमा द्धन्द हुन्छ

सुरेशकुमार यादव

काठमाडौ मंसिर २४ गते । मधेशी जनअधिकार फोरम लोकतान्त्रिकका अध्यक्ष विजयकुमार गच्छदारले सविधानसभाबाट नै हरेक समस्याको समाधान गर्न एमाओवादीका अध्यक्ष पुष्पकमल दहाल ‘प्रचण्ड’ लाई आग्रह गर्नुभएको छ ।

दोस्रो सविधानसभाको चुनावमा धाँधली भएको भन्दै एमाओवादीले छानविन नभएसम्म सविधानसभामा भाग नलिने तथा समानुपातिकको नाम समेत नपठाउने अडान गलत रहेको बताउँदै अध्यक्ष गच्छदारले सविधानसभाबाट नै निर्वाचनमा भएको धाँधलीबारे छानविन गरी त्यसलाई समाधान गर्ने बाटोतिर लाग्न सुझाव दिनुभयो ।

दुई दिनसम्म चलेको केन्द्रीय समितिको बैठकले गरेको निर्णयहरु सार्वजनिक गर्न सोमवार सानेपास्थित पार्टी कार्यालयमा आयोजित पत्रकार सम्मेलनमा उहाँले सविधानसभा चुनावमा धाँधली भएको कुरा आफ्नो पार्टीले पनि भरिहेको र त्यसका लागि उच्च स्तरीय छानविन आयोग गठन गरी छानविनको माग समेत गरेको हो तर सविधानसभा अवरुद्ध गरेर होइन त्यहाँ बहस र छलफल चलाएर समाधान गर्ने बताउनुभयो ।

बल्ल बल्ल भएको चुनावबाट गठन हुने सविधानसभालाई नै बहिष्कार गर्ने हो भने देशमा झन द्धन्द बढ्ने भएकाले सहमति र सहकार्यबाट सबै कुराको समाधानतिर दलहरु लाग्नु पर्ने उहाँको धारणा थियो । संयुक्त लोकतान्त्रिक मधेशी मोर्चाका संयोजक समेत रहि सक्नु भएका अध्यक्ष गच्छदारले सहमति र सहकार्यको आवश्यकत रहेको यस अवस्थामा गबन्धन, गुटबन्दी र मोर्चाबन्दीले समस्या झन बल्झिने भएकाले आफ्नो दल कुनै गठबन्धन वा मोर्चाबन्दीमा नजाने पनि स्पष्ट पार्दै देशमा अहिले दुई गुट काँग्रेस र एमाले भने अर्को एमाओवादी र मधेशवादी दलको देखिएको छ त्यसमध्ये आफू कुनै गुटमा नजाने स्पष्ट पर्नुभयो । 

उहाँले देशमा देखिएको दुई शक्तिबीचको द्धन्दलाई मध्यस्थता गरी समाधान गर्ने भूमिका आफ्नो पार्टी खेल्ने बताउँदै मधेशवादी दललाई पनि कुनैप्रकारको मोर्चाबन्दीमा नलाग्न आग्रह गरिने बताउनुभयो । आफ्नो पार्टीबाट अलग भएका शरत्सिह भण्डारीको पार्टी राष्ट्रिय मधेश समाजवादी पार्टीसँग एकता नभएर खास एजेण्डा र मुद्दामा सहकार्य मात्र हुने उहाँले स्पष्ट समेत पार्नुभयो ।

सरकारमा जाने नजाने बारे पत्रकारले राखेको जिज्ञासामा उहाँले सरकारमा जाने नजाने विषयमा पार्टीले कुनैपनि निर्णय नगरेको बताउँदै आफ्नो पार्टीको पहिलो प्राथमिकता सविधान त्यसपछि मात्र सरकारले रहेको स्पष्ट पार्नुभयो । उहाँले सविधान निर्माणको सुनिश्चितता नभएसम्म सरकारको बारेमा सोच्न समेत नसकिने दावी गर्दै सविधान निर्माणका सुनिश्चितता भएपछि सहमतिको सरकार निर्माण हुने अवस्था आयो भने मात्र त्यसको बारेमा सोच्ने धारणा राख्नुभयो । सविधानसभाबाट सहमति र सहकार्यको माध्यमबाट समस्या समाधान नगरे आफ्नो पार्टीले कठोर निर्णय लिने समेत चेतावनी दिनुभयो ।

चुनावपछि गच्छदार पार्टीको यस्तो छ निर्णय

सुरेशकुमार यादव
काठमाडौ मंसिर २३ गते । मधेशी जनअधिकार फोरम लोकतान्त्रिकले मधेशवादी दल र एकीकृत नेकपा (माओवादी) सहितको गठबन्धनमा हाललाई नजाने ननिर्णय गरेको छ ।
सानेपास्थित पार्टी केन्द्रीय कार्यालयमा सम्पन्न केन्द्रीय समितिको बैठकमा भएको छलफलले एमाओवादीको गठबन्धनसँग मुद्दा नमिल्ने भएकोले तत्कालै सो गठबन्धनमा सहभागि नहुने स्पष्ट पारेको छ । बैठकपछि पत्रकारसँग कुरा गर्दै पार्टीका नेता रामजनम चौधरीले एमाओवादी गठबन्धनसँग आफ्नो दलको मुद्दा बाँझिएकाले सो गठबन्धनमा तत्कालै नजाने छलफल भएको बताउनुभयो ।
मधेशवादी दलसहित १६ दलले एमाओवादीसँग बनाएको संघीय लोकतान्त्रिक गठबन्धनको बारेमा पनि छलफल भयो तर त्यसमा सहभागि हुने नहुने विषय टुगों लागेको छैन नेता चौधरीले भन्नुभयो–‘एमाओवादीलगायतका दलहरुले सविधानसभामा भाग नलिने पक्षमा छन् भने हामी सविधानसभामा भाग लिने पक्षमा छौ, त्यसले गर्दा हाम्रो कुरा बाँझिएकाले सो गठबन्धनमा जाने नजाने गम्भिर छलफल हुन बाँकी छ तर तत्कालै नजाने स्पष्ट भएको छ ।’ पार्टीले पहिचानसहितको संघीयता र संघीयतासहितको सविधान निर्माण गराउनका लागि सदन र सडकमा संघर्ष जारी राख्ने निर्णय गरेको नेता चौधरीले बताउनुभयो ।
केन्द्रीय समितिको बैठकले सविधानसभा चुनावमा धाँधली भएको भन्दै उच्च स्तरीय छानविन आयोग गठन हुनुपर्ने माग समेत गरेको छ । पार्टीका अध्यक्ष विजयकुमार गच्छदारले चुनाव सकिने लगत्तै निर्वाचन शान्तिपूर्ण धाँधलीरहित भएको अभिव्यक्ति दिनु भएको थियो तर दुई दिनसम्म चलेको बैठकमा चुनावको समिक्षा हुँदा ठाउँ ठाउँमा धाँधली भएको ठहर भएपछि पार्टीले छानविनको माग गरेको छ ।
देशैभरि चुनावमा धाँधली भएको होइन तर सिमित ठाउँहरुमा धाँधली भएको कुरा पार्टीले ठहर गरेको नेता चौधरीले बताउनुभयो । उहाँले सरकारसँग छानविन आयोग गठन गर्नुपर्ने पार्टीले माग गरेको बताउनुभयो । समानुपातिक सीटको बारेमा पनि छलफल भएको हो तर ककसलाई दिने भने विषयको टुगों लगाउँने जिम्मा पार्टीका अध्यक्ष गच्छदारलाई केन्द्रीय समितिले जिम्मेवारी दिएको छ ।
मिडियामा आएको जस्तो काँग्रेसलाई सरकार निर्माण गर्न समर्थन वा असमर्थन गरेको होइन, उहाँले भन्नुभयो–‘आफ्नो अध्यक्षले काँग्रेसका सभापति सुशिल कोइरालालाई भेटेर सहमतिको आधारमा आगाडि बढ्न सुझाव मात्र दिनु भएको हो । सहमतिको आधार सविधान निर्माण गर्नुको साथै सरकार पनि त्यसै आधारमा गठन गर्न सल्लाह मात्र दिनु भएको हो, पार्टीका अध्यक्ष स्वयंले बैठकमा यो कुरा प्रष्ट पार्नु भएको हो । सरकारमा जाने नजाने विषयमा छलफल हुन बाँकी छ ।’ मुद्दा मिल्ने अन्य मधेशवादी दलसँग सहकार्य र एकता गरेर जाने विषयमा समेत निर्णय भएको उहाँले बताउनुभयो ।

उपेन्द्र र गच्छदार आआफ्नो घर अनि मधेशमा के को भर

सुरेशकुमार यादव
मधेशी जनअधिकार फोरम नेपालका अध्यक्ष उपेन्द्र यादव पुनः पुरानै खेमामा फर्केका छन् । वामपन्थी विचारधाराबाट राजनीतिक शुरु गरेका उनी पहिलो सविधानसभा चुनावपछि एमाओवादीसँग गठनबन्धन गरी नौ महिना सरकारसमेत सञ्चालनमा सहभागि भएका थिए तर गच्छदार र गुप्ताका कारण यादवको सम्बन्ध एमाओवादीसँग टुटेको थियो । एमाओवादीसँग उनको सम्बन्ध टुट्नुको अरु कुनै कारण होइन, आफ्नो पार्टीबाट अलग भएका दलहरु मधेशी जनअधिकार फोरम लोकतान्त्रिक तथा मधेशी जनअधिकार फोरम गणतान्त्रिकसँग गठबन्धन बनाउनु नै मुख्य कारण थियो ।
    अहिले एमाओवादीको गठबन्धनमा न जयप्रकाश गुप्ता रहेका छन् न विजयकुमार गच्छदार । त्यसैले सविधानसभा चुनाव सके लगतै एमाओवादीलाई पछ्याउँदै पेरिसडाँडासम्म पुगेका छन् उनी । तर, एमाओवादीसँग पुनः यस्तो मितजोरीलाई उनकै पार्टीका थुप्रै नेताहरुले मन पराएका छैन । फोरम नेपालका एक केन्द्रीय सदस्यले भने, उपेन्द्रलाई कसैले बुझ्न सकेन, पार्टीभित्र के गर्नु हुन्छ कहाँ जानु हुन्छ कसैलाई थाह छैन । एमाओवादीकै कारण पार्टीको यस्तो हालत भएको थाह पाउँदा पाउँदै पुनः त्यसैको पिछलग्गु बन्नु पार्टीको हितमा राम्रो होइन ।’

    एमाओवादीसँग दोस्रो पटकको सरकार निर्माण गर्दा विजयकुमार गच्छदार उपेन्द्र यादव नेतृत्वको मधेशी जनअधिकार फोरम नेपालबाट अलग भएका थिए । गच्छदारले एमालेका नेता माधवकुमार नेपालको नेतृत्वमा सरकार बनाउनुपर्छ भने पक्षमा थिए भने उपेन्द्र यादवले पुनः एमाओवादीका अध्यक्ष प्रचण्डको नेतृत्वमा सरकार बनाउनुपर्छ भने पक्षमा थिए । त्यही रस्सा कस्सीमा मधेशका सबभन्दा ठुला पार्टी पहिलोपटक दुई टुक्रा भएको थियो । गच्छदारले पार्टी विभाजन गरेर सिधै माधवकुमार नेपालको नेतृत्वलाई समर्थन गर्दै सरकारमा सहभागि भएका थिए । त्यसपछि विस्तारै उपेन्द्र यादवको पार्टी फोरम नेपाल र एमाओवादीको दुरी बढ्दै गयो र विजयकुमार गच्छदारको पार्टी फोरम लोकतान्त्रिक र एमाओवादीबीच दुरी घट्दै गयो । पार्टी विभाजनपछि उपेन्द्र यादव र विजयकुमार गच्छदारबीच पानी बाराबारको स्थिति रह्यो । यस्तो मनमुटाव शुरु भयो कि सविधानसभा चुनावपछि बनेको प्रचण्ड नेतृत्वको सरकार बाहेक दुवैजना एउटै सरकारमा कहिले साथ रहेन । माधव नेपालको नेतृत्वमा बनेको सरकारमा अन्य मधेशवादी दललगायत विजयकुमार गच्छदार मात्र सहभागि थिए, उपेन्द्र यादव बाहिर बसे । भने त्यसपछि बनेको झलनाथ खनालको सरकारमा उपेन्द्र यादवमात्र गए गच्छदार गएन ।
    एमाओवादीकै सहयोगमा बनेका झलनाथ नेतृत्वको सरकार ढाल्न पछि एमाओवादीले नै अभियान शुरु गरे त्यस अभियानमा संयुक्त लोकतान्त्रिक मधेशी मोर्चाले पूर्ण सहयोग गर्न थाले । सो अभियानको अग्रपंक्तिमा राजनीतिका दाउपेचमा माहिर गच्छदार नै थिए । त्यतिबेला नै फोरम नेपालबाट सो पार्टीका सहअध्यक्ष जयप्रकाश गुप्ता पनि अलग भएर मधेशी जनअधिकार फोरम गणतान्त्रिक गठन गरेका थिए । त्यसपछि गुप्ता र गच्छदार दाजु–भाइको सम्बन्ध जोड्दै एमाओवादीका नेता डा.बाबुराम भट्टराईको नेतृत्वमा निर्माण भएको सरकारमा चारबुँदे सम्झौता गरी गुप्तासहितको मधेशी मोर्चा सहभागि भएका थिए । त्यो सरकारमा उपेन्द्र यादवलाई सहभागि हुन पटक पटक आग्रह पनि गरियो तर त्यहाँ गुप्ता र गच्छदार जस्ता धोकेवाज र भ्रष्ट हुँदा हुँदै कुनै पनि हालतमा सो सरकार सहभागि नुहने भन्दै सरकार बाहिर बसे । यहाँसम्म कि थोरै समयका लागि एमाले र काँग्रेस पनि सो सरकारमा सहभागि भएपछि उपेन्द्र यादवको पार्टी सरकारको प्रतिपक्षि दल भए । उपेन्द्र यादवको पार्टी लामो समयसम्म सरकार बाहिर रहेर मधेशको दौडाहा गरिरहे ।
    भट्टराई नेतृत्वको सरकारमा हालीमुहाली गरेर बसेकै अवस्थामा फोरम गणतान्त्रिकका तत्कालिन अध्यक्ष जयप्रकाश गुप्ता भ्रष्टाचारको आरोपमा जेल परे । त्यसको ठाउँ सोही पार्टीका सहअध्यक्ष राजकिशोर यादवले लिए । त्यसबेला पनि पुर्नगठन भएको सरकारमा उपेन्द्र यादवलाई परराष्ट्र तथा उपप्रधानमन्त्री दिँदा पनि सहभागि भएन । अध्यक्ष यादवका लागि धेरै दिनसम्म उपप्रधान तथा परराष्ट्र मन्त्रालय खाली राखेका थिए तर उपेन्द्र यादव त्यसमा सहभागि भएन कारण थियो गच्छदार पनि सो सरकारमा उपप्रधान तथा गृहमन्त्री थिए । उपेन्द्रको धारणा थियो कि गच्छदार र आफू एउटै हाराहारीमा नरहने र सोही अडानका कारण सरकारमा सहभागि भएन । अहिले आएर मधेशको ठुलो पार्टी विजय गच्छदारको भएको छ भने तेस्रो पार्टी उपेन्द्र यादवको । सत्ताका खेलाडी गच्छदार देशको सबभन्दा ठुलो पार्टी काँग्रेसको खेमामा लागेका छन् भने उपेन्द्र यादव पुनः एमाओवादीकै खेमामा ।
    पेरिसडाँडामा पटक पटक बसेको मधेशी दलसहितको बैठकमा अध्यक्ष प्रचण्डले पटक पटक बोलाउँदा पनि गच्छदार न आफै उपस्थित भए नपार्टीका अरु कुनै प्रतिनिधिलाई पठाए । सो मोर्चामा महन्थ ठाकुर, राजेन्द्र महतो, राजकिशोर यादव, महेन्द्र यादव, अनिल झालगायतका मधेशी दलहरु सभागि छन् । अन्ततः फोरम लोकतान्त्रिकका अध्यक्ष गच्छदार एमाओवादीको मोर्चा छाडेर अहिले काँग्रेसको मोर्चामा सहभागि भइसकेका छन् । शुक्रवार मात्र काँग्रेसका सभापति सुशिल कोइरालालाई उनकै निवासमा भेटेर सहमतिको सरकार बनाउनुस् आफ्नो पार्टीको पुर्ण समर्थन रहने प्रतिवद्धता जनाईसकेका छन् । लामो समयसम्ममा काँग्रेसमा रहेर काम गरिसकेका गच्छदारलाई एमाओवादीको गठबन्धनभन्दा काँग्रेस गठबन्धनमा काम गर्न सजिलो हुने विश्लेषकहरुको ठम्याई छ । सविधानसभा चुनाव सकिने लगतै मधेशमा तेस्रो उपेन्द्र यादव र देशमा तेस्रो प्रचण्डको सम्पर्कमा गए भने मधेशमा पहिलो गच्छदार र देशमा पहिलो काँग्रेसको सम्पर्कमा गए ।     

एकताका लागि भण्डारीले गरे गच्छदारलाई आह्वान

सुरेशकुमार यादव
काठमाडौ मंसिर २२ गते । विजयकुमार गच्छदार अध्यक्ष रहेको मधेशी जनअधिकार फोरम लोकतान्त्रिक पार्टीबाट अलग भइ राष्ट्रिय मधेश समाजवादी पार्टी गठन गर्नु भएका शरत्सिह भण्डारीले फोरम लोकतान्त्रिक पार्टीलाई एकताका लागि आह्वान गर्नुभएको छ ।
    पार्टीद्धारा शनिवार एक विज्ञप्ति जारी गरी सो आह्वान गर्नु भएको हो । नेपाली सेनामा मधेशी युवाको सामूहिक प्रवेशमा पार्टीका अध्यक्ष विजयकुमार गच्छदारले सहयोग नगरेकोलगायतका आरोप लगाउँदै पार्टी नै अलग गर्नुभएका भण्डारी पुनः एकता र सहकार्यका लागि आह्वन गर्नुभएको छ ।
भण्डारी रक्षामन्त्री भएको बेला नेपाली सेनामा मधेशीको सामूहिक प्रवेशलाई लिएर दिएको अभिव्यक्तिका कारण मन्त्री पदबाट नै त्याग्नु परेको थियो र त्यसमा गच्छदारले असहयोग गर्नुभएको थियो । सविधानसभा रहेकै बेला फोरम लोकतान्त्रिकबाट अलग हुनु भएका भण्डारी फोरम नेपालका अध्यक्ष उपेन्द्र यादवसँग मोर्चाबन्दी गरी संघर्षमा थिए भने गच्छदारको मधेशी मोर्चामा हुनुहुन्थ्यो ।
    सविधानसभा चुनावमा प्रत्यक्षतर्फ एउटा पनि सीट जित्न सफल नभएका अध्यक्ष भण्डारीले निर्वाचनमा मधेशवादी दलहरु कमजोरमा हुनुमा दलहरु विभाजित नै मुख्य कारण रहेको ठहर गरेको छ । भण्डारीको पार्टीले समानुपातिकमा तीन सीट ल्याएको छ ।
    संविधानसभाको निर्वाचन परिणामबाट विगतमा जुनसुकै कारणले विभाजित भएका मधेशवादी दलहरुलाई एकजुट भएर अघि बढ्ने जनआकांक्षा र जनादेश मुखरित भएको ठहर गर्दै सहमति, सहकार्य र एकीकरणको प्रक्रियाले विगतमा विभाजनका कारण कमजोर बनेका मधेशवादी दलहरुका लागि शतिmसञ्चय हुने र मुद्दा कार्यान्वयन गराउन सशतm, प्रभावकारी तथा निर्णायक भूमिका निर्वाह गर्न सकिने विज्ञप्तिमा उल्लेख छ । सहमति, सहकार्य र एकीकरणका लागि जस्तो सुकै लचकता अपनाउन आफ्नो पार्टी तयार रहेको उल्लेख गर्दै सो पार्टीले फोरम लोकतान्त्रिकसँगै तराई मधेश लोकतान्त्रिक पार्टीलाई पनि एकताका लागि आह्वान गरेको छ ।
मधेशवादी दलहरुको गम्भीरता, लगाव र अथक प्रयासका कारण संघीयतालगायतका मुद्दाको स्वामित्व राज्यले ग्रहण गरेको उल्लेख गर्दै स्वामित्व लिइसकेको मुद्दालाई सम्बोधन गर्ने दायित्व राज्यको हो र ती मुद्दालाई कार्यान्वयन गराउन खबरदारी गर्ने काम मधेशवादी दलहरुको भएको विज्ञप्तिमा उल्ल्ेख छ । राज्यले स्वामित्व लिएका मुद्दालाई कार्यान्वयन गराउन समान विचार र धारणा भएका मधेशवादी दल र शतिmहरुबीच सहमति, सहकार्य र एकीकरण आवश्यकतामा जोड दिएको छ ।

मधेशी दलको बीचमा पुनः एकताको प्रयास

सुरेशकुमार यादव
काठमाडौ मंसिर २१ गते । दोस्रो सविधानसभामा हार बेहोरेका मधेशवादी दलहरु एकता र सहकार्यमा जोड दिएका छन् ।
अलग अलग रहेकै कारण निर्वाचनमा मधेशवादी दलहरु कमजोर भएको ठहर गर्दै एकीकरण तथा मोर्चाबन्दीका लागि प्रकृया शुरु गरेको छ । त्यसो त चुनावअघि पनि यसैगरि एकीकरण र मोर्चाबन्दीको अभियानै चलाइएको थियो तर सफल हुन सकेका थिएन ।
मधेशी जनअधिकार फोरम गणतान्त्रिक, तराई मधेश फोरम नेपाल, संघीय सद्भावना पार्टी र नेपाल सद्भावना पार्टीले विहिवार पत्रकार सम्मेलन गरी एकता र सहकार्यका लागि तयार रहेको घोषणा नै गरे । पहिलो चरणमा पार्टी एकीकरणकै लागि प्रयास गर्ने, नभए सघर्षका लागि मोर्चा बनाउने यी चार दलको बीचमा सहमति भएको हो ।
तराई मधेश फोरम नेपालका अध्यक्ष अमर यादवले पहिलो प्रयास एकताकै लागि हुने, नभए मोर्चा पनि बनाउने सहमति भएको र त्यसको गृहकार्य तिब्र रुपमा अगाडि बढी रहेको बताउनुभयो । ‘हामी चार दल अब कुनै नकुनै रुपमा एक ठाउँमा आउँछौ नै त्यसमा अन्य दललाई पनि समावेश गराउन छलफल गर्न कार्यदल बनाउन लागेका छौ, उहाँले भन्नुभयो–‘मधेशवादी दलको यो अवस्था हुँदा अब चाही पक्कै चेत खुलेको हुनुपर्छ र एकताका लागि तयार हुन्छ ।’
तराई मधेश लोकतान्त्रिक पार्टीका अध्यक्ष महन्थ ठाकुरले पनि मधेशवादी दलहरुको बीचमा विभाजन भएकै कारण यो अवस्था सृजना भएको निष्कर्षमा पुग्नु भएको छ । चुनावअघि एकता तथा मोर्चाबन्दीका लागि एकवर्षसम्म अभियान चलाउनु भएका अध्यक्ष ठाकुर चुनावपछि पनि एकतामै जोड दिनु भएको छ । पार्टीको कार्यसम्पादनको बैठकले पनि दलहरुको बीचमा एकता हुनुपर्ने र त्यसका लागि पार्टीले पहल गर्नुपर्ने निर्णय गरेको छ ।
सद्भावना पार्टीका अध्यक्ष राजेन्द्र महतोले पनि दलहरुमा विभाजनका कारण निर्वाचनमा कमजोर भएको ठहर गर्दै एकीकरणमा जोड दिनु भएको छ । दलहरुको बीचमा एकीकरण नभएपनि मोर्चाबन्दी हुर्नैपर्ने उहाँको धारणा छ ।
त्यसैगरि मधेशवादी दलका युवा विद्यार्थीहरुको संयुक्त बैठकले पनि एकताका लािग आआफ्ना दलमा दवाव दिने निर्णय गरेको छ । सद्भवना पार्टीका महासचिव मनिष सुमनले युवा विद्यार्थीहरुको पहिलो चरणको बैठकले दलहरुको बीचमा मोर्चाबन्दी नभएको, एकता नभएको कारण निर्वाचनमा कमजोर भएको ठहर गरेको बताउनु भयो । उहाँले अब अर्को बैठक बसी कार्यदल बनाएर दलहरुलाई एकताका लागि दवाव दिने बताउनुभयो ।