सुरेशकुमार यादव
काठमाडौ मंसिर ४ गते । अन्तरिम मन्त्रीपरिषद्का अध्यक्ष खिलराज रेग्मीलाई कसैले तपाईको सबभन्दा खुशी र सुखीका दिन कुन हो भनि सोध्यो भने उहाँले आजैको दिनलाई सम्झनु हुन्छ । र, किन नहोस् पनि, सविधानसभा चुनाव गराउनका लागि मन्त्रीपरिषद्का अध्यक्ष बन्नु भएका रेग्मीले शान्तिपूर्ण चुनाव सम्पन्न गराएकोमा निकै खुशी देखिनु भयो ।
मंगलवार विहानै ७ बजे बानेश्वर हाइटको सानो गौचरनमा मतदान गर्न पुग्नु भएका अध्यक्ष रेग्मीलाई जो कोही हेर्दा सहजै अनुमान लगाउथ्यो, उहाँको खुशीको सीमा छैन् । गाडीबाट ओर्लने वित्तिकै मुस्कुराएर हात हलाउँदै मतदान केन्द्रभित्र छिर्नु भएको थियो । प्रायः गम्भिर दखिने अध्यक्ष रेग्मी भित्र छिर्दा पनि उहाँको अनुहारमा चमक र मुस्कान कायमै थियो । प्रत्यक्ष र समानुपातिकको मत खसालिसकेपछि पुनः मुस्कानसहित उपस्थित मतदाताको साथमा हात हलाउँदै खुशी साट्नु भएको थियो ।
मिडियामा हतपत बोल्न नचाहने अध्यक्ष रेग्मी सो दिन बडो सहज तरिकाले मिडियाको सामुने मुस्कुराउँदै भन्नुभयो–‘म आज निकै खुशी छु । किनभने सरकारले पाएको जिम्मेवारी आज पुरा गरेको छ ।’ सविधानसभाको चुनावमा जनताको सहभागिताले मलाई निकै सन्तोष मिलेको छ, उहाँले भन्नुभयो–‘हामीले कल्पना गरेको भन्दा पनि शान्त र सौहाद्र वतावरणमा जनताको सहभागितमा चुनाव हुँदैछ ।
उहाँले ढुक्कका साथ मतदान गर्न मतदाताहरुलाई आग्रह पनि गर्नुभयो । चुनावपछि शान्ति र सविधान निर्माण हुन्छ र त्यसले समाज रुपान्तरणको दिशामा जाने उहाँले विश्वास प्रकट गर्नुभयो । छोटो भन्दा छोटोसमयमा सविधान निर्माण होस् भनि चाहेको बताउँदै उहाँले अन्तिम अवसरको रुपमा सविधानसभा चुनावमा मतदान गर्न आग्रह गर्नुभयो ।
यता निर्वाचनका लागि शान्ति सुरक्षाको जिम्मा लिनु भएका गृहमन्त्री माधव घिमिरेको अनुहारमा पनि त्यस्तै खुशी झल्केको थियो । क्षेत्र नं. ७ बनस्थलीमा मतदान गरेपछि मन्त्री घिमिरेले सबै ठाउँमा शान्तिपूर्वक चुनाव हुँदैछ, त्यसले आफूलाई निकै खुशी लागेको प्रतिकृया दिनुभयो । निर्वाचन असुरक्षित वतावरणमा होला, शान्ति सुरक्षा बिग्रेला भनि हामीले कहिले कल्पना गरेका थिएनौ, उहाँले भन्नुभयो–‘हामीले सोचे अनुसार नै सविधानसभाको चुनाव सम्पन्न हुँदैछ, सरकारका लागि यो भन्दा खुशी अरु केही हुनै सक्दैन ।’
कसैका डर र क्रासबाट क्रसित हुनुहुँदैन हामीले सुरक्षाको राम्रो प्रबन्ध गरेका छौ, ढुक्क भएर मतदान गर्नुस्, मतदानकेन्द्रमा उपस्थित मतदाताहरुलाई भन्नुभयो । उहाँले सविधानसभाको चुनावपछि सविधान मात्र निर्माण हुँदैन, समाज रुपान्तरणका साथै आर्थिक समृद्धि पनि हुने धारणा राख्दै भन्नुभयो–‘यो निर्वाचनले सबैको भाग्यको ढोका खुल्ने छ ।’
निर्वाचन गराउने जिम्मा लिनु भएका प्रमुख निर्वाचन आयुक्त निलकण्ठ उप्रेती पनि आफ्नो खुशी मतदाताहरुसँग बाँड्नु भयो । विहान बानेश्वरको सहकारी प्रतिष्ठानमा रहेका मतदान केन्द्रमा मतदान गर्न पुग्नु भएका आयुक्त उप्रेती मुस्कुराउँदै मतदानकेन्द्रमा छिर्नु भएको थियो । कर्मचारी र मतदातासँग हात हलाएर खुशी साट्दै मतदान गर्नु भएका उहाँले जो जहाँ जुन अवस्थामा हुनुहुन्छ त्यही अवस्थामा मतदान गर्न गई हाल्नुस् भनि आग्रह गर्नुभयो ।
सविधान निर्माणको यो अन्तिम मौका हो, त्यसैले सुतिरहनु भएको छ भने छिटो विउझ्नुस्, बसिरहनु भएको छ भने उठ्नुस्, हिडि रहनु भएको छ भने दौड्नुस् र जति सक्दो छिटो मतदान केन्द्रमा गएर मत दिनुस् भनि आग्रह गर्नुभयो । उहाँले सविधान र राष्ट्र निर्माण बोलेर होइन मत दिएर हुन्छ त्यसैले ब्यापक सहभागितामा मतदान गर्न मतदाताहरुलाई आग्रह गर्नुभयो ।
डर र त्रासका लागि जति हल्ला फैलाएपनि जनताको सामुनेमा कसैको केही चल्दैन भनि प्रमाणित भएको भन्दै उहाँले भन्नुभयो–‘विहानैदेखि जुन रुपमा जनताका सहभागिता देखिएको छ त्यसले चुनाव सोचेभन्दा बढी फरक ढंगले सफल भएको छ ।’
सरकारका मुख्य सचिव लिलामणी पौडेल आफ्ना बालबच्चासहित चण्डोलस्थित विशाल मिलन केन्द्रमा रहेको क्षेत्र ५ को मतदानकन्द्रमा पुग्नु भएको थियो । उहाँले सविधानसभाको चुनावमा जनताले जसरी सहभागिता देखाएको छ, त्यसले आफू निकै प्रफुलित भएको प्रतिकृया दिनुभयो । निर्वाचन गराउन गठन भएको यो सरकारले आफ्नो काम सफलतापूर्वक सम्पन्न गराउन लागेकोमा सारा देश खुशी भएको उहाँले बढीभन्दा बढी जनसहभागितामा निर्वाचन सम्पन्न गराउन मतदाताहरुमा आग्रह गर्नुभयो ।
काठमाडौ क्षेत्र नं. ५ मा आफ्नो मतदान गरेपछि सोही क्षेत्रबाट काँग्रेसका उम्मेदवार बनेका नेता नरहरी आचार्यले सञ्चारकर्मीसँग प्रतिकृया दिँदै भन्नुभयो–‘यो ऐतिहासिक सविधानसभा चुनावमा सबैले मतदान गरुन्, कोही पनि नछुटुन् ।’ यो चुनाव जनताका भाग्य र भविष्यसँग जोडिएकाले सबैले आफ्नो मत दिन पाउनुपर्ने उल्लेख गर्दै यसले नै देशलाई शान्ति स्थापना गर्नमा मदत पुर्याउने बताउनुभयो । उहाँले आफ्नो क्षेत्रमा मतदाता परिचयपत्र वितरण भएको आधारमा ७५ प्रतिशतभन्दा बढी मत खस्ने दावी पनि गर्नुभयो ।
एमाओवादीका नेता एवं काठमाडौ क्षेत्र नं. २ का उम्मेदवार लिलामणी पोखरेलले जित हारको कुरा पछिको कुरा हो पहिला शान्तिपूर्ण र व्यापक सहभागितामा मतदान सम्पन्न हुनुपर्ने कुरामा जोड दिनुभयो । जनताको जुन प्रकारको सहभागिता दखिएको छ त्यसले सविधानसभा चुनाव सफल हुने कुरामा विश्वास लिएको धारणा उहाँले राख्नुभयो ।
देश र जनताको भाग्य र भविष्य निर्माण गर्ने यो सविधानसभाको चुनाव कुनै पनि हालतमा सफल हुन्छ र एकवर्षभित्र सविधान निर्माण हुने दावी पनि उहाँले गर्नुभयो ।
एमाले पार्टीका सचिव एवं क्षेत्र नं. ५ का उम्मेदवार इश्वर पोखरेलले जनता बडो उत्साहका साथ मतदानमा सहभागि भएको भन्दै खुशी व्यक्त गर्नुभयो । उहाँले निर्वाचन सम्पन्न पछि लोकतान्त्रिक सविधान निर्माण गर्न अगामि सविधानसभाबाट सहमति भइसकेकालाई थाँति राखेर बाँकी रहेका विषयमा छलफल गरी चाँडो सविधान निर्माण गर्नुपर्ने उल्लेख गर्नुभयो ।
उहाँले सहमति भइसकेका विषयमा पुनः छलफल गरेर समय बर्बाद गर्यो भने सविधान निर्माण नहुने जिकिर गर्नुभयो । उहाँले निर्वाचन सम्पन्नपछि गठन हुने सरकारले सविधान निर्माणको साथै आर्थिक रुपान्तरणका लागि पनि कार्य गर्नुपर्ने धारणा राख्नुभयो । विगतमा देखिएका त्रुटीहरुलाई सच्याउँदै सविधान निर्माणमा लाग्यो भने समयमा सविधान निर्माण हुने समेत सुझाव दिनुभयो ।
काँग्रेसका युवा नेता एवं क्षेत्र नं. ४ का उम्मेदवार गगन थापाले यो दोस्रो सविधानसभा चुनावमा आफ्नो अधिकार प्रयोग गर्न मतदाताहरुलाई आग्रह गर्नुभयो । उहाँले जति व्यापक सहभागितमा मतदान हुन्छ त्यति नै दरिलो सविधानसभा गठन हुने बताउनुभयो । उहाँले सो अवसरमा एकवर्षभन्दा बढी समय नलगाएर सविधान निर्माण गर्ने प्रतिवद्धता समेत जाहेर गर्नुभयो ।
एमाओवादीका युवा नेता नन्दकिशोर पुनःले यो सविधानसभा सफल भयो भने राष्ट्रको मिसन सफल हुने विश्वास व्यक्त गर्नुभयो । पहिलो सविधानसभा विघटनपछि निराश बनेका जनतालाई आशाको केन्द्र यो सविधानसभाको चुनाव लागेको बताउँदै उहाँले अब अर्को सविधानसभाको चुनाव नहुने गरी मतदान गर्न मतदाताहरुलाई आग्रह गर्नुभयो ।
