मधेशलगायत विभिन्न ठाउँमा जारी द्धन्द व्यवस्थापनका लागि सरकारले आज छुट्टै आयोग गठन गरेको छ । तराई मधेशमा जारी सशस्त्र आन्दोलनमा रहेका कतिपय समूहसँग सरकारले वार्ता गरेका छन् र त्यहाँ भएको सम्झौता कार्यान्वयन नहुँदा मुलुक झन द्धन्दमा गएको कारणले मधेशवादी दलहरुले मधेशको द्धन्द व्यवस्थापनका लागि माग गर्दै आएको थियो । एमाओवादी जनयुद्धको व्यवस्थापन तथा शान्ति प्रकृयालाई पूर्णता दिनका लागि गठन गरिएका बेपत्ता छानविन तथा मेलमिलाप आयोग जस्तो यो पनि गठन गरिएको हो । मेलमिलाप आयोग गठन हुन लाग्दा यसमा मधेशको द्धन्दको बारेमा केही सम्बोधन नभएको भन्दै मधेशवादी दलले विरोध जनाएको थियो र त्यही विरोधका कारणले सरकारले ६० दिनभित्र मधेशको द्धन्द व्यवस्थापनका लागि आयोग गठन गर्ने प्रतिवद्धता अनुसार नै सरकारले सोमवार पुनरावेदन अदालतका पूर्व न्यायधिश केशव मैनालीको अध्यक्षतमा चार सदस्यीय आयोग गठन गरिएको छ । बाँकी सदस्यमा दीपेन्द्र झा, रामकुमार राइ र गीता मैनाली रहेको सद्भावना पार्टीका सहअध्यक्ष लक्ष्मणलाल कर्णले बताए ।
