एकीकरणमा पुनः देखियो उल्झन, पार्टीको नाममा विवाद

काठमाडौ चैत २३ । पार्टी एकीकरणको प्रकृया अन्तिम चरणमा पुगिसकेको दावी गरिरहेका तीन मधेशवादी दल (फोरम नेपाल, तमलोपा, सद्भावना पार्टी) बीच पार्टीको नाम लिएर विवाद उत्पन्न भएको छ । चैत २० गते र आज (चेत २३ गते) गरी दुईदिन बसेको बैठकमा आज पार्टीको नाममा पुनः विवाद उत्पन्न भएको छ ।
फोरम नेपालका अध्यक्ष उपेन्द्र यादवले प्रस्ताव गरेको समाजवादी लोकतान्त्रिक फोरम नेपाल नामको पार्टीमाथि तमलोपा र सद्भावना पार्टी सहमत हुन सकेको छैन । स्रोतका अनुसार तमलोपा सहमत भएपनि सद्भावन पार्टी कुनैपनि हालतमा सहमत हुने पक्षमा देखिएको छैन । सद्भावना पार्टीले लोकतान्त्रिक सद्भावना फोरम नेपाल हुनुपर्ने जोड दिइरहेका छन् अथवा फोरम नेपालले प्रस्ताव गरेको नाममा कुनै नकुनै रुपमा सद्भावना शब्द समावेश हुनुपर्ने धारणा राखेका छन्
।
फोरम नेपालको तर्फबाट कार्यदलमा सहभागि नेताहरुले एकीकृत पार्टी लोकतान्त्रिक समाजावादी ढाँचामा गइरहेको छ भने पार्टीको नाम पनि त्यस्तै हुनुपर्ने आडान दोहोर्याएका छन् । यता सद्भावनाका एक नेताले भने, पार्टीको नाममा सद्भावना शब्द राखेन भने यसैकारणले एकीकरण नहुनसक्छ हाम्रो पार्टीको तर्फबाट फरकमत हुन्छ । तीन पार्टीको एकीकरण भइरहेको छ भने तीनटै पार्टीको अस्तित्व रहनुपर्छ । फोरम नेपालले प्रस्ताव गरेको झण्डामा सहमति भएको छ भने सद्भावना पार्टीको तीर छापमा सहमति हुने सम्भावना धेरै देखिएको छ ।
यता तमलोपाले पार्टीको नेतृत्व नै गर्न पाउने भन्दै कुनै कुरामा अडान देखाइरहेका छैन । पार्टीको अध्यक्ष नै भएपछि सानातिना कुरामा आफूहरुले कुनै अडान नदेखाएको एक नेताले बताए । तमलोपा पार्टी एकीकरणको पक्षमा रहेको छ सानोतिनो कुरामा आफ्नो पार्टी अल्झिदैन ती नेताले भने । पार्टीको नाम मिलाउन सकि हालेपनि नेतृत्वको विषयमा ठुलो विवाद आउने सम्भावना देखिएको छ । कार्यदलले एकजना मनार्थ अध्यक्ष र दुईजना कार्यकारी अध्यक्ष तथा अर्को कार्यकारी अध्यक्ष एकजना, एकजना कार्यकारी अध्यक्ष र एकजना सहअध्यक्ष हुने गरी पद बाँडफाँड हुनु गरे कार्यदलले प्रस्ताव तयार गर्न लागेको हो ।