जो हारेका छन् त्यसले मतदाताको मन जित्न नसकेको बुझ्नुपर्छ । उम्मेदवारमा कुनै नकुनै कमजोरी पक्कै भएको हुनुपर्छ । तराई मधेशबाट पूर्ण सदस्यमा ९ जना सदस्यले उम्मेदवारी दिएका थिए भने ४ जना वैकल्पिकमा थिए । उता ३ जना पदाधिकारीमा उम्मेदवारी दिनु भएको थियो । माधव नेपालको पक्षबाट लालबाबु पण्डित, केपी शर्मा ओलीको पक्षबाट धर्मनाथ प्रसाद साह र रघुवीर महासेठले उम्मेदवारी दिनु भएको थियो । लालबाबु पण्डित पदाधिकारीमा हारेपनि सदस्यमा जित्नुभयो तर यी दुईजना पदाधिकारीमा र केन्द्रीय सदस्य दुवैमा हार्नुभयो । उहाँहरुमा पनि केही नकेही कमिकमजोरी भएको हुनुपर्छ अनि हारेको होला । नत्र अरु जित्ने उहाँहरु मात्र हार्ने किन यस्तो ? पार्टीले मधेशी उम्मेदवारमाथि विभेद गर्यो रे पनि हल्ला सुनियो । होला अलि अलि त्यस्तो भएको होला तर पूरै विभेद नै भएको हो भन्ने कुरा म पत्याउदिन । सबैतिरबाट भोट तान्ने र ल्याउन सक्ने उम्मेदवार हुनुपर्छ । कति मतदातालाई तान्न सकिन्छ, कतिलाई प्रभावमा लिन सकिन्छ त्यो उम्मेदवारमा भर पर्छ । समाज नै विभेदकारी छ । एक अर्कालाई विभेद गरेका छन् । तर बाहिर आएको कुरा जस्तो छैन ।
उहाँहरु सबैसँग सल्लाह गरेर नै उम्मेदवारी दिनु भएको हो । उहाँको तयारी पनि राम्रै थियो बाहिर देख्दा । आफ्नो गुटमा लविगं गरेको मैले देखेको छु । माहौल राम्रै पाएको थिए सबैको तर अन्त्यमा गएर कहाँ विग्रियो, बुझ्न सकिन । मेरो पनि इच्छा थियो कि म पनि उम्मेदवारी दिउँ तर साथीहरुले सल्लाह दिए कि दलितको प्रतिनिधि भएर आउनुस् म त्यसै गरे र सफल पनि भए । हरेक क्षेत्रमा विभेद छ मैले पनि भोगेको छु र त्यो विभेद हटाउनका लागि सबैले प्रयास गर्नुपर्छ सबैले संघर्ष गर्नुपर्छ अनि मात्र सम्भव छ । आफू जित्दा राम्रो हुने, हार्दा विभेद भयो भन्ने यो कुरा अलि सुहाएन जस्तो लाग्छ । अरु बेला पनि यस्तै कुराहरु बोल्नु पर्यो संघर्ष गर्नुपर्यो ।
No comments:
Post a Comment