एमालेमा हारेका धर्मनाथ साहले भने ‘म भ्रममा थिए’

धर्मनाथ साह
नेता, एमाले
म एमाले पार्टीमा राजनीतिक शुरु गर्दा कहिले पनि रंगीय तथा वर्गाीय विभेदको राजनीतिक गरिन र त्यस्तो अनुभाव पनि गरिन । मधेशको कतिपय ठाउँमा हामीले पहाडीलाई नेता बनाएका छौ । नेता बनाएर केन्द्रमा पठाएका छौ तर कहिले पनि उ पहाडी हो म मधेशी हुँ भने कुरा मनमा आएन । प्रदीप गिरीदेखि लिएर लिलानाथसम्मलाई सिरहामा हामीले नेता बनाएका हौं । हामीले पहाडी वा मधेशीको रुपमा कहिले देखेनौ एउटा नेतको रुपमा मात्र देखियौ । धनुषा सप्तरीमा पनि त्यस्ता थुप्रै पहाडि नेता छन् जसलाई मधेशीले नेता बनाएका हुन । यसपाली सिरहाबाट मधेशीले नै प्रचण्डलाई जिताएर पठाएको छ । अर्थात मधेशीले कहिले पनि पहाडीलाई पहाडीया भनेर विभेद गरेन तर पहाडी पार्टीले मधेशीलाई मधेशीया भनेर विभेद गरेको छ त्यो कुरा एमालेमा प्रष्ट देखिएको छ ।

एमालेबाट रामचन्द्र झाले छाडेर एमाओवादीमा गए र त्यहाँ उहाँलाई स्थायी समितिमा नराख्दा मैले सोचेका थिए कि एमाओवादी पार्टी नै त्यस्तै हो । हाम्रो एमाले ठिक छ भनेका थियौ तर एमाओवादी भन्दा खतम भयो एमाले पार्टी अहिले लाग्न थालेको छ । मधेशी, आदिवासी तथा दलितलगायतलाई आरक्षणमा ल्याएको छ त्यो पनि केन्द्रीय सदस्यमा । पदाधिकारीमा कसैलाई ल्याएन किन त्यो मधेशी भएकाले हो ? के मधेशी हुनु अपराध हो ? पार्टीलाई मधेशीको भोट चाहिन्छ, मधेशी जनता चाहिन्छ तर मधेशी नेता चाहिँदैन किन ? यी सबै प्रश्न मेधशी जनताले सोध्न थालेका छन् । म लगायत रघुवीर महासेठ, लालबाबु पण्डितले पदाधिकारीमा उम्मेदवारी दिएका थिए तर तीनैजनामध्ये हामी कोही आएनौ किन ? के हामी त्यो लायक थिएनौ । हामीलाई त्यहाँ जानी जानी हराएको छ । भोट क्रसिगं भएको छ ।  म ओली पक्षमा थिए ओलीका अरु अरु जित्ने तर म मात्रै किन हार्ने । किन के कारण हुन सक्छ । म निष्कर्षमा पुगेको छु कि त्यहाँ मधेशीमाथि भेदभाव भएको हो । एमाले पार्टी मधेश विरोधी पार्टी हो भनि आरोप थियो । मलाई त्यस्तो लागेको थिएन । यो कुराको खण्डन म आफै गर्थै जनतामाझ तर होइन रहेछ । म भ्रममा थिए । आरोप साँच्चै रहेछ । अब हामी पार्टीमा दुईलाइनको संघर्ष चलाउँछौ पार्टीमा । पहिलो चरणमा मधेशी जनतासँग छलफल गर्छौ त्यसपछि पार्टीमा यो कुरालाई कसरी राख्न सकिन्छ त्यो विषयमा छलफल गर्छौं । यो विषयमा जिल्ला जिल्ला बहस शुरु भएको छ मधेशी जनता तातिएको छ । हामी समयको इन्तजारमा छौ ।
स्रोत, सहाराटाइम्स